食早餐 @ 龍門冰室 (荃灣店)

今日早上，就同太太去到近排炒得沸沸揚揚嘅「龍門冰室」食早餐 ~

這家號稱係 "黃店" 的 龍門冰室，其背後究竟有乜嘢故事？係咩葫蘆又賣乜野藥 ? 我唔知 .... 不過就單憑茶記早餐食物的味道來講，我覺得都唔錯 ~

未講食物 , 先講講衛生 .... 正所謂黃藍是政見 , 抗疫亦是良知 ,  龍門冰室 的防護措施做得足 , 眼見每一台都有酒精搓手液 , 兼且會派發紙袋給客人放口罩用 ~

Menu ~

3.6 特濃牛乳芝士玉子常餐

沙嗲鮮牛肉湯麵 (另加雪菜肉絲) : 沙爹牛肉夠入味 , 鮮味又香口 , 沙嗲汁煮得與別不同 , 因為嚐到有麻香的味道 , 認真夠特別 ; 另加雪菜肉絲 , 係因為知道這家的雪菜是自家炮製的 , 味道亦夠水準 ~

吞拿魚芝士玉子燒 & 果醬多士 : 這個吞拿魚芝士玉子燒 , 真的不得了! 集合了港式、日式、西式的煮法和味道 , 用3.6牛乳煮成的玉子燒 , 包著吞拿魚沙律和芝士餡 , 一刀切開有爆餡的效果 , 既有創意又好味 ~

凍檸檬茶 : 茶底香濃 , 檸檬有檸檬味 , 一派茶記水準的檸檬茶 , 好飲 ~

本篇完 ~