2020年7月30日星期四

打卡熱店 "黃店" - Contrast

兩公婆去完墳場,做完善別服務,

就來到近期人氣爆燈,打卡熱店的 "黃店" Contrast, 飲返杯 Iced Americano, 食下甜品,chill下,hea下 再返屋企 ~

Menu ~

Iced Americano : 咖啡味道平實 , 酸度不高 , 容易入口 , 可能比較合適不習慣飲 black coffee 的朋友 ... 但是對於一向飲開黑啡的我來講 , 就係比較淡口 ~

Iced Mocha : 咖啡味同朱古力的味道都算平均 , 奶落多了些許, 味道也比較甜 ~

Houseblend Affogato Pudding  雞蛋布甸配 House Espresso : 餐廳名物 , 打卡一流 , 布甸蛋香豐富,滑溜質感,澆上熱燙 Espresso 配上鮮忌廉,口感賣相俱一流 ~

Glutinous Rice Waffle with Homemade Ice Lolly 糯米窩夫配自家製牛奶雪條 : 黑窩夫配白雪條,#黑白是良知

雜莓醬澆在外脆內糯的窩夫上,酸甜的莓味令人口齒留香,煙韌的窩夫再配搭淡忌廉及牛奶雪條,甜而不膩回味無窮~ 

本篇完 ~

2020年7月28日星期二

食韓國菜 @ 食道樂

人在紅磡 , 行入去崇潔街覓食 , 

見到這一間買韓式食物的 "食道樂" 於是就入去幫襯 ~

Menu ~

入到餐廳 , 聽到店主講韓文的 , 心裡面就覺得對了 , 雖然知道並非所有韓國人都有一手好廚藝 , 只係入到韓國餐廳 , 見到有韓國人主理 , 總會加添一份信心 ~

食韓國餐 , 有餐前小菜是常識吧 , 這家餐供應了三碟小菜 , 味道正正常常 ~


Kimchi-Jeon 泡菜煎餅 : 厚薄適中 , 味道鹹香帶點辣 , 咬落都幾脆口 ~

Yookssam Mul-naengmyeon 韓式水冷麵配烤牛肉 : 天時暑熱就食個水冷麵 , 降一降溫 , 開開胃口 , 水冷麵的湯酸酸甜甜 , 配有雞蛋半隻 , 酸蘿白兩片, 麵質煙煙韌韌又夠彈牙 , 加上烤牛肉絲 , 味道不俗 ~

Galbi Tang 牛排骨湯配白飯 : 據聞這道菜有補身作用 , 所以就點來吃 , 湯頭濃郁清香 , 牛香滿溢 , 牛排骨煮得入味 , 咬落又不柴皮 , 還配有蛋絲、金菇絲、粉絲 , 感覺好有傳統味道 ~

本篇完 ~

2020年7月24日星期五

金蓋香滑蝦醬 @悅和醬園YuetWo1945

今晚用了 @悅和醬園YuetWo1945  差不多10年陳的香港生產,使用在香港水域拖網捕捉的銀蝦來日曬成的蝦醬來蒸豬肉 ~ 



據官方fb所述 .... “一切就要回到8年前,即 2012年12月31日,當日於立法會通過了一條香港水域內禁示拖網捕魚,為了保護美好的香港水域,這條法例當然很好,而然就產生了無限的後續 ....

悦和多年都有自家生產蝦醬,更加係香港第一個拎到有 ISO 及 HACCP 認證的蝦醬生產商,而當年此例一出,表示再無法於香港買到蝦醬最重要的原料銀蝦 .... 而當年最後做好的一批蝦醬就一直經歷日曬直至這去年,我地決定將這些差不多10年陳的香港最後蝦醬拎出黎賣埋佢 ....” 

這 MIHK 的蝦醬沒有坊間蝦醬的誇張蝦醬味,味道是鮮一點,入口先是鹹再啖來甜尾的收結,在蒸豬肉時,滿屋子充滿着蝦醬的香味 ~

悅和醬園的其他出品同樣出色,我家一直長期使用 ~

本篇完 ~

2020年7月22日星期三

香港人加油 @ 開餐 Dine Inn

家陣食飯 , 盡量都會幫襯 "黃店" , 已經成為了日常生活模式 , 唔需要多講 .... 
我仍然有自由去選擇自己的消費模式吧 ....

當日就去了 旺角-通菜街 的一間 "黃到爆金" 的餐廳 "開餐 Dine Inn" 食個下晝飯 , 幫襯下手足 ~

這間餐廳 , 是以港式食品為主 , 最重要是店方聘請了很多 "手足" , 絕對要多多幫襯 ~
Menu ~

香港人加油 - 支裝特飲 (可重用水樽)

明目圓肉杞子蜜 : 安神、明目、治失眠 , 味道清香甜蜜 ~

解毒胎菊花蜂蜜 : 清熱、解毒、明目、滋潤、降燥 , 味道甜蜜 ~

五大素球 : 講緊嘅唔係政治訴求 💛 而係用甜酸汁爆炒過的五件素球 , 墊底的是薑粒炒苦瓜 ; 一道菜有齊 甜、酸、苦、辣、鹹 五種味道 .... 食落去 , 就是百般滋味在心頭 ~

良知 - 金華火腿奶油津白 : 味道跟在一般上海舖食到的奶油津白差唔多 , 這一個的奶油味和薑味就偏重 , 而且金華火腿味道都夠鹹香 , 我個人都幾喜歡 , 就連奶油湯都飲埋 ~

懷舊豬油渣撈飯 配 燒原片五花腩 : 係人都知 , 越好味嘅食物就越邪惡 , 講求健康嘅朋友 , 應該都好少會點上這種食物 ; 不過豬油渣撈飯 , 這種油潤、豐膄、甘香嘅味道 , 食一啖 , 真係神仙都企唔穩 ; 再加上燒得香口又惹味的五花腩 , 滿口都係肉香&豬油香 .... 堅正 ~

一句講哂 .... 香港人加油 !!

本篇完 ~

2020年7月20日星期一

JUMP 週刊少年 50周年 筋肉人景品

JUMP 50th Anniversary Figure ~

JUMP 週刊少年 50周年 筋肉人景品 ~

筋肉人 Kinnikuman 景品!

眼鏡廠 BANPRESTO 2017年 出品 ~

Figure 係塑膠質地 , 不論是 面相、上色、細緻位都十分仔細 ! 膠質厚實 , 勁有質感 , 而且跟足漫畫 ( 筋肉王位爭奪編 - 大阪城決戰 ) 的 "筋肉戰衣" 造型 , 非常傳神 ~

JUMP 50周年出品 , 果然不馬虎 , 讚 ~

本篇完 ~

2020年7月15日星期三

好味又夠特色 @ 蕃茄仔 Red Object

疫情嚴重 .... 輾轉反覆 .... 

心情跌到落谷底 , 唯有繼續找 "黃店" 吃吃喝喝 , 調劑下心情 ~


位於 銅鑼灣-希雲街 的 蕃茄仔 Red Object, 近期人氣爆燈 , 我就專程來一嚐究竟 ~

Menu ~

先點來 桂花龍井(凍)、玫瑰鐵觀音(凍)解解渴 ~

自家蕃茄濃湯底 配 特級安格斯牛肩胛 配 葛絲粉 : 蕃茄濃湯 , 味道酸酸甜甜亦帶點清香 ; 牛肩胛的肉質軟綿, 肉味濃郁 ; 跟質感Q韌又滑嘟嘟的葛絲粉來吃 , 美味極了 ~
秘製金黃蕃茄清湯冷麵 : 賣相美觀別緻 , 配慢煮雞胸絲、昆布、胡麻、柚子胡椒、紫蘇、梅子金茄 , 以及梅子麵 ; 金黃蕃茄清湯味道鮮甜 , 可隨意把昆布、胡麻、柚子胡椒、紫蘇 加入清湯 , 配製出適合自己的味道 ; 再把冷麵沾湯來吃 , 味道有夠特色 , 超讚 ~

#黃色經濟圈 
#黃店 
#良心小店 
#撐黃店

本篇完  ~