Grilled U.S Angus CAB Rib Eye Steak 烤美國安格斯肉眼牛扒 @ Artco.33 雅高.33

限聚令又禁晚市堂食 , so what !? 那我們就提早在 1630 吃 dinner, 早點食 dinner, 亦有助幫助消化 , 更有助改善睡眠質素 ~

我們就從 Panda Hotel 行去附近的 💛「黃店」Artco. 雅高.33 , 食件牛扒都好 ~

Grilled U.S Angus CAB Rib Eye Steak 烤美國安格斯肉眼牛扒 : 

賣相算是OK , 我所點的牛扒熟度是 medium rare, 如圖所見 , 廚師算是掌握得到 , 牛扒的肉質軟綿 , 肉味濃郁 , 把牛扒沾上紅酒蘑菇醬來吃 , 味道不錯的 ~

#黃色經濟圈 

#黃店 

#良心小店 

#撐黃店 

#撐手足

本篇完 ~

超時空要塞 (宇宙戰艦/馬克羅斯) Macross 可變身，戰機-機械人

超時空要塞 (宇宙戰艦/馬克羅斯) Macross 可變身，戰機-機械人

貿料 : 塑膠

機種 : 不詳 ( VF ?? )

出廠日期 : 1984年

製造廠: 不詳 (Made in South Korea)

可以變形，分別可以變 戰機、機械人、半機半機械人 狀態 ~

此乃筆者的童年玩具，跌跌碰碰，而且年份有番咁上下，所以保養極差，玩具已變成退休老人家，關節都鬆了 🤣 腰骨都企唔直 🤣 要挨住/要攙扶，方能站立，部份位置有破損 ~

PS : 超時空要塞 (宇宙戰艦/馬克羅斯) Macross 喺80年代，曾經紅極一時，差不多可以說是男孩子必看的卡通，片中有大量可以變形的戰機，更令男孩著迷 ~

本篇完 ~

Souffle Pancakes 原味梳乎厘班戟 @ Bove (葵涌廣場店）

忽然想食 Souffle Pancakes 梳乎厘班戟 .... 

於是就去 葵涌廣埸 的一間舖名叫 "Bove" 的 💛「黃店」食 ~

這間舖雖然喺小店 , 但名字響噹噹 , 出曬名賣 梳乎厘班戟 & 雞蛋仔 , 不用多說 , 我當然就係食 梳乎厘班戟 .... 我真係專程搭車嚟食! 

呢度的梳乎厘班戟有幾種味可以選擇 , 我就係會選擇原味來食 , 無得解 , 我總喜歡食原味 ~

Original Souffle Pancakes 原味梳乎厘班戟 $32 : 班戟即叫即製，大約要等15分鐘 , 有三種醬料可以選擇 (蜜糖、朱古力、焦糖) 我就算選擇了用焦糖 ; Pancakes 一客有兩件 , 外觀厚厚的又色澤金黃 , 靚靚仔仔 , 入口鬆鬆軟軟 , 質感輕柔得似是飄飄浮浮的，每一口都充滿蛋香味 , 感覺就似是在吃雞蛋味的雲 .... 頓時充滿夢幻 ~ 

這家店的梳乎厘班戟的味道 , 絶對可以媲美在 CWB/TST 那些大牌子班戟店的味道 , 而且價錢更便宜得多 ~

#黃色經濟圈 

#黃店 

#良心小店 

#撐黃店 

#撐手足

本篇完 ~

Cheesy Dog 芝味熱狗 @ Zeppelin Hot Dog

市道低迷 , 就更加要多些出街食飯, 助長下本土經濟 , 要助長本土嘅經濟 , 就更加要 yellow spending 支持「黃色經濟圈」, 多多幫襯 "黃店" ~

今日就去 "黃店" 💛 Zeppelin Hot Dog (葵涌廣場店), 食 Cheesy Dog 芝味熱狗 ~

Menu ~

Cheesy Dog 芝味熱狗 : 熱狗包烘得鬆軟，法蘭克福腸有肉香又脆皮，加上蛋黃粟米醬，三重熱溶芝士，除了芝士味道香濃 , 還可以拉絲 .... Woolala .... 真好味 ~

食完 Hot Dog, 滿足感爆燈 ~

本篇完 ~

被迫野餐 @ Cafe82

被迫野餐 ....

兩公婆去完荔枝角公園影相，

就行入去美孚的一間 "黃店" 💛 Cafe82 買早餐食 ....

較早之前 , 由於禁堂食令，我地就只好外賣早餐，然後係美孚新村，找個有涼亭又有枱的角落食 ~

早餐 Set C $50，凍飲不用加錢，份量大包括有薄牛扒、雜菌、茄汁豆、炒蛋、多士、沙律菜 ~

凍黑啡 : 原本對這杯咖啡沒有甚麼期望 , 喝一口 , 味道還不錯 , 真的不錯 ~

薄牛扒 : 肯定不是茶餐廳的那種貨色 , 食落去還頗有肉味 , 早餐質素來說 , 算是很不俗 ~

雜菌 : 雜菌是有用黑胡椒調味 , 且用牛油炒過 , 都幾香口 ~

炒蛋 : 雞蛋都炒得幾香口滑嫩 , 如果是堂食的話 , 肯定味道更佳 ~

PS : 廿幾年未試過踎公園食飯盒，雖然熱到身水身汗，不過，此情此景，別有一番感受 ~

話時話，呢間餐廳的早餐的食物質素還不錯 ~

#黃色經濟圈 #黃店 #良心小店 #撐黃店 #撐手足

#cafe82

本篇完 ~

Ink Slab/Ink Stone 石硯

Ink Slab/Ink Stone 石硯 (文房四寶之一)

太公 (嫲嫲的爸爸) 的遺物，據嫲嫲在生時所說 , 這硯就是太太公 (嫲嫲的爺爺) 送給太公的 .... 

年份 : 清光緒年 (或更久)

這硯刻有獸型圖案 , 有厚質感 , 非常重手 , 有輕微裂痕 , 畢竟 , 經歷了幾代人 , 經歷了多番戰亂 , 當中不知埋藏了幾多故事 ....

我偶爾還會用來磨墨 , 習字 .... 偶爾 ~

打卡熱店 "黃店" - Contrast

兩公婆去完墳場，做完善別服務，

就來到近期人氣爆燈，打卡熱店的 "黃店" Contrast, 飲返杯 Iced Americano, 食下甜品，chill下，hea下 再返屋企 ~

Menu ~

Iced Americano : 咖啡味道平實 , 酸度不高 , 容易入口 , 可能比較合適不習慣飲 black coffee 的朋友 ... 但是對於一向飲開黑啡的我來講 , 就係比較淡口 ~

Iced Mocha : 咖啡味同朱古力的味道都算平均 , 奶落多了些許, 味道也比較甜 ~

Houseblend Affogato Pudding  雞蛋布甸配 House Espresso : 餐廳名物 , 打卡一流 , 布甸蛋香豐富，滑溜質感，澆上熱燙 Espresso 配上鮮忌廉，口感賣相俱一流 ～

Glutinous Rice Waffle with Homemade Ice Lolly 糯米窩夫配自家製牛奶雪條 : 黑窩夫配白雪條，＃黑白是良知

雜莓醬澆在外脆內糯的窩夫上，酸甜的莓味令人口齒留香，煙韌的窩夫再配搭淡忌廉及牛奶雪條，甜而不膩回味無窮～ 

本篇完 ~

食韓國菜 @ 食道樂

人在紅磡 , 行入去崇潔街覓食 , 

見到這一間買韓式食物的 "食道樂" 於是就入去幫襯 ~

Menu ~

入到餐廳 , 聽到店主講韓文的 , 心裡面就覺得對了 , 雖然知道並非所有韓國人都有一手好廚藝 , 只係入到韓國餐廳 , 見到有韓國人主理 , 總會加添一份信心 ~

食韓國餐 , 有餐前小菜是常識吧 , 這家餐供應了三碟小菜 , 味道正正常常 ~

Kimchi-Jeon 泡菜煎餅 : 厚薄適中 , 味道鹹香帶點辣 , 咬落都幾脆口 ~

Yookssam Mul-naengmyeon 韓式水冷麵配烤牛肉 : 天時暑熱就食個水冷麵 , 降一降溫 , 開開胃口 , 水冷麵的湯酸酸甜甜 , 配有雞蛋半隻 , 酸蘿白兩片, 麵質煙煙韌韌又夠彈牙 , 加上烤牛肉絲 , 味道不俗 ~

Galbi Tang 牛排骨湯配白飯 : 據聞這道菜有補身作用 , 所以就點來吃 , 湯頭濃郁清香 , 牛香滿溢 , 牛排骨煮得入味 , 咬落又不柴皮 , 還配有蛋絲、金菇絲、粉絲 , 感覺好有傳統味道 ~

本篇完 ~

金蓋香滑蝦醬 @悅和醬園YuetWo1945

今晚用了 @悅和醬園YuetWo1945  差不多10年陳的香港生產，使用在香港水域拖網捕捉的銀蝦來日曬成的蝦醬來蒸豬肉 ~ 

據官方fb所述 .... “一切就要回到8年前，即 2012年12月31日，當日於立法會通過了一條香港水域內禁示拖網捕魚，為了保護美好的香港水域，這條法例當然很好，而然就產生了無限的後續 ....

悦和多年都有自家生產蝦醬，更加係香港第一個拎到有 ISO 及 HACCP 認證的蝦醬生產商，而當年此例一出，表示再無法於香港買到蝦醬最重要的原料銀蝦 .... 而當年最後做好的一批蝦醬就一直經歷日曬直至這去年，我地決定將這些差不多10年陳的香港最後蝦醬拎出黎賣埋佢 ....” 

這 MIHK 的蝦醬沒有坊間蝦醬的誇張蝦醬味，味道是鮮一點，入口先是鹹再啖來甜尾的收結，在蒸豬肉時，滿屋子充滿着蝦醬的香味 ～

悅和醬園的其他出品同樣出色，我家一直長期使用 ～

本篇完 ～

香港人加油 @ 開餐 Dine Inn

家陣食飯 , 盡量都會幫襯 "黃店" , 已經成為了日常生活模式 , 唔需要多講 .... 

我仍然有自由去選擇自己的消費模式吧 ....

當日就去了 旺角-通菜街 的一間 "黃到爆金" 的餐廳 "開餐 Dine Inn" 食個下晝飯 , 幫襯下手足 ~

這間餐廳 , 是以港式食品為主 , 最重要是店方聘請了很多 "手足" , 絕對要多多幫襯 ~

Menu ~

香港人加油 - 支裝特飲 (可重用水樽)

明目圓肉杞子蜜 : 安神、明目、治失眠 , 味道清香甜蜜 ~

解毒胎菊花蜂蜜 : 清熱、解毒、明目、滋潤、降燥 , 味道甜蜜 ~

五大素球 : 講緊嘅唔係政治訴求 💛 而係用甜酸汁爆炒過的五件素球 , 墊底的是薑粒炒苦瓜 ; 一道菜有齊 甜、酸、苦、辣、鹹 五種味道 .... 食落去 , 就是百般滋味在心頭 ~

良知 - 金華火腿奶油津白 : 味道跟在一般上海舖食到的奶油津白差唔多 , 這一個的奶油味和薑味就偏重 , 而且金華火腿味道都夠鹹香 , 我個人都幾喜歡 , 就連奶油湯都飲埋 ~

懷舊豬油渣撈飯 配 燒原片五花腩 : 係人都知 , 越好味嘅食物就越邪惡 , 講求健康嘅朋友 , 應該都好少會點上這種食物 ; 不過豬油渣撈飯 , 這種油潤、豐膄、甘香嘅味道 , 食一啖 , 真係神仙都企唔穩 ; 再加上燒得香口又惹味的五花腩 , 滿口都係肉香&豬油香 .... 堅正 ~

一句講哂 .... 香港人加油 !!

本篇完 ~